Xa está dispoñíbel o Twitter en galego
O artigo Xa está dispoñíbel o Twitter en galego foi publicado orixinalmente no blogue de informática do Burgo das Nacións en 20 de febreiro de 2013.
Xa está activa a interface en galego do Twitter! Cómpre ter en conta que aínda está en fase beta e pode ter algúns erros, grallas ou fallos, que se irán solucionando a medida que se vaian localizando.
Esta tradución foi posíbel grazas ao traballo de todas as persoas que traduciron desinteresadamente a interface e, especialmente, á campaña que se fixo desde @tweet_en_galego. Moitas grazas!
Como pór o Twitter en galego?
- Entra na túa conta de xeito normal.
- Vai a Axustes (Settings).
- Busca o apartado Lingua (Language).
- No menú despregábel escolle a opción Galego (beta) (Galician-Galego (beta)).
- Dálle abaixo de todo a Gardar cambios (Save changes).
- Introduce o teu contrasinal e dálle a Gardar cambios (Save changes).
- E pronto, xa tes a interface do Twitter en galego!