Pór o Windows en galego
O artigo Pór o Windows en galego foi publicado orixinalmente no blogue de informática do Burgo das Nacións en 2 de outubro de 2011.
Sistema Operativo
Windows é o sistema operativo máis amplamente usado. Para pólo en galego o que tes que facer é instalar un parche que traduce os menús e diálogos sobre a versión en castelán. A seguir están as ligazóns á páxina de Microsoft para baixares o parche correspondente:
- Windows XP: http://www.microsoft.com/downloads/details.aspx?displaylang=gl&FamilyID=0db2e8f9-79c4-4625-a07a-0cc1b341be7c
- Windows Vista: http://www.microsoft.com/downloads/details.aspx?displaylang=gl&FamilyID=0e21eb7b-e01a-4fcc-b7f1-30e419da7f5b
- Windows 7: http://www.microsoft.com/downloads/details.aspx?FamilyID=a1a48de1-e264-48d6-8439-ab7139c9c14d&displaylang=gl
No caso dos Windows XP e Vista convén tamén ir a Panel de Control > Opcións Rexionais e de Idioma e pór como idioma o galego. Isto facilita que, á hora de baixar programas con varios idiomas, xa se poña o galego por defecto. No caso do Windows 7 isto é automático ao instalar o parche.
Microsoft Office
Microsoft Office ten un parche de tradución que se instala sobre o programa en castelán, que deberás ter instalado. Aquí están as ligazóns aos parches:
- Microsoft Office 2003: http://www.microsoft.com/downloads/details.aspx?familyid=CCF199BC-C987-48F5-9707-DC6C7D0E35D0&displaylang=gl
- Microsoft Office 2007: http://www.microsoft.com/downloads/details.aspx?FamilyID=91426c33-ea45-482d-af08-cd8ea8cbfd53&DisplayLang=gl
- Microsoft Office 2010: http://www.microsoft.com/downloads/details.aspx?familyid=CFEC65B7-131C-440F-953F-43731FDABB8B&displaylang=gl
Mozilla Firefox
Mozilla Firefox é un navegador da Internet rápido, fiábel, moi versátil, con moitas funcionalidades extra e 100% en galego. Se actualmente estás a usar o Internet Explorer, non o penses e pasa ao Firefox. Pódelo baixar na ligazón a seguir.
- Mozilla Firefox: http://www.mozilla.com/gl/
Se xa tes o Firefox instalado, baixa a versión en galego e instálaa sen desinstalar a que tes. Así, recoñecerá que xa está instalado e único que fará é pólo en galego, mantendo os marcadores, caché, historial, contrasinais...
LibreOffice
LibreOffice é a mellor alternativa ao Microsoft Office. É unha suite ofimática completa, con procesador de textos tipo Word, folla de cálculo tipo Excel, presentación de diapositivas tipo PowerPoint, etc. É totalmente compatíbel con todos os formatos do Microsoft Office, incluíndo os novos .docx, .pptx... que tantos problemas están a dar. Á parte é libre, gratuíto, permite exportar a .pdf directamente cun só cilque e está completamente en galego. Pódelo baixar na seguinte ligazón:
- LibreOffice.org: http://www.libreoffice.org/download/
Se xa tes o LibreOffice.org instalado, baixa a versión en galego e instálaa sen desinstalar a que tes. Así, recoñecerá que xa está instalado e único que fará é pólo en galego.
